Wednesday, October 27, 2010

عيش التموين حق منو ؟


جرت العاده .. أن لا تخلو أحاديث الكويتيين من الخدم ومشاكلهم ، وفي المقابل نرى بأن الخدم لا تخلو أحاديثهم من القراظ بالمعازيب ، وكون اختكم أم السعف من أنصار الخدم ..فسأتطرق اليوم الى ظاهره حرمانهم من الأكل وتهميشهم في الأماكن العامه ووضعهم في خانة المراقب ..كالمراقب الذي يراقب الطلبه في امتحانات الثانويه العامه ، وعند التطرق لهذه الظاهره تتنطط جدام عيوني الكثير من الاسئله ، ومنها
لماذا يفصل الكويتيون أكلهم عن أكل الخدم ، وتكون لديهم قائمة طعام خاصه فيهم ؟
لماذا يشتري الخدم أكلهم اللي ودهم فيه من رواتبهم الضعيفه ؟
لماذا نأكل مالا يأكلون؟
واللي فجر هذا الموضوع وحسيت وقتها اني قاعده أختنق
الأول : في أحد المطاعم الراقيه جدا في مجمع الفنار، تجلس الأم والأب ، ويتبادلون النكات والضحك وسط تدحرج اللقمات في أفواههم ، بينما تبعث الأم الأطفال والخدم الى مطعم السينما لشراء سندويشات الهوت دوغ ..! ما أدري منو الدوغ حشا السامع والقارىء
الثاني : تدعونا احدى الصديقات لعزومة عشاء في أحد المطاعم الفاخره ، وصديقتنا تنتمي الى عائله مرموقه بمجتمعنا، وكانت الخادمه مع صاحبتنا لمتابعه طفلها .. الطامه الكبرى انها لم تطلب شيء للخادمه والأدهى والأمر انها جمعت فضلة الأكل من أطباقنا لتضعها في صحن آخر وتقدمه للخادمه
سؤال اليوم : هل تعتقد بأن المواطن الكويتي يؤمن بالهرم الغذائي للخادم ؟

مشهد اليوم



10 comments:

  1. بالخير ام السعف و الليف

    بس هم لاحظي الخدم اييون الديره
    دق العود و عقب سنه تلاقين
    كل واحد فيهم عنده لغدين
    طبعا مو كلهم و لا اعمم بس
    ٩٨٪ منهم
    هههههه

    ReplyDelete
  2. الوحده الوطنيه
    --------------
    بالنور والسرور :)
    بس المتن مو صحه ..الهرم الغذائي عندهم رايح فيها علشان جذي يمتنون .. مو سألت أنا عيش التموين حق منو ؟؟
    :))

    ReplyDelete
  3. مادري

    ما عندي راي بالموضوع

    ReplyDelete
  4. ma6goog
    -------
    أول مره ما تدري
    :)
    1 /0
    لصالح أم السعف

    ReplyDelete
  5. البعض أكيد
    شوفي يدتي الله يحفظها
    ما تاكل إلا وأكل خدامتها قبلها موجود ولا لازم الخدامة تاخذه عشان تتأكد
    وفي وحدة أعرفها هم تشيل من أول الجدر حق السايق
    بس في واحد يا ساتر
    هههههههههههه يشتري للسايق ماجله
    ويقوله انت اطبخ واكل ولا تشوفين الماجله
    عيش ومعلبات وجم جيس خبز
    شي غريب فعلا
    وتذكرت كنت ناطره مره بالسينما رفيجتي وكان في خدامة قاعدة بروحها عاد اللقافة شتسوي سألتها وين ماما
    قالت ماما بابا بيبي داخل سينما
    وتخلي امنطرينها برا
    وحتى فلوس مو معطينها اذا شافت شي واشتهت تاكلها
    @@
    اشفيني هذرت وااايد
    :/
    ابي مسابقة يمكن أفوز مره 2
    ههههههه :)

    ReplyDelete
  6. ممم
    انا ما اعتقد ان الخدم بالكويت يموتون من اليوع داخل البيوت
    يمكن هالتصرفات تطلع بالمطاعم اكثر شي عشان لا يدفعون لهم قيمه وجبه ويشوفون البرغر والهوت دوغ ارخص
    بس صراحه اذا باخذ الخادمه عشان تطالعني وانا اكل حرام واذا باكل ستيك وبوكلها بيتزا هم حرام مهما يكون هذول بشر ونفسهم تهف على الاكل اللي احنا ناكله

    عن نفسي ان ااطلب منهم يشيلون لهم اكلهم من راس مرفوع واذا بغو شي من المكان اللي اكله اطلب لهم منه بس عاده اهم يطلبون اني اطلبه لهم تيك اواي وياكلونه بالبيت

    ReplyDelete
  7. حياتي هدف مو عبث
    ----------------
    ههههههه :)
    هلا وغلا
    الله يحفظ يدتج
    الله يهداه هالواحد عيش ومعلبات ؟ هذا سجن ، وتلاقين المعلبات باقي لها نص يوم وتنتهي صلاحيتها .. الواحد شنو بيآخذ معاه لي مات ؟ والموت حق
    ..ودنا بمسابقه ثانيه ..بس هالمره بحط عيش انديا جيت :)))))))))
    تيك كير

    ReplyDelete
  8. bent el deera
    -------------
    حياااج حبيبتي
    احنا عاد ما نبي نوصل لمرحلة التجويع والموت من الجوع ..أنا تكلمت عن الهرم الغذائي للخدم كبشر حالهم من حالنا ، ومعاملتهم بشكل انساني ..والله حبيبتي ليت الناس مثلج ، بس في سؤال ليش ما يآكلون بالمطعم ..ليش تيك أواي؟
    نورتيني
    :)

    ReplyDelete
  9. عدل كلامج بس انا قصدي ان ماشاء الله البيوت عامره بالاكل واكيد المعزبه مخليتهم على راحتهم داخل البيت

    بس تصدقين انا ماركز عليهم بالضبط ومادري هرمهم صح ولا مقلوب ههههه لان ساعات يطبخون لهم اكلات من ديرتهم خاصه اذا كان غدانا سمج لانهم ما يحبونه بس غالبا ياكلون من اللي احنا نطبخه بالبيت

    بالنسبه ليش ياكلون بالبيت ... والله مادري يمكن يستحون ياكلون قبالنا
    اهم يقولون يبونه بالبيت فاخذلهم اياه تيك اواي و مخليتهم على راحتهم :>

    ReplyDelete
  10. bent el deera
    ---------------
    الله يكثر من أمثالج
    :)
    تيك كير

    ReplyDelete