المكان : شاطيء من شواطيء الكويت
مخي يقول : يا سلااااام ولا الديتونا / شاطيء في فلوريدا
الوقت : الواحده والنصف ظهرا
مخي يقول : عادي ، ما عاد يفرق الوقت معاي ..كله محصل بعضه
التاريخ : 1/ 11 / 2010
مخي يقول : هالشهر عندي وااايد أعياد ميلاد
درجة الحراره : 29 درجه
مخي يقول : ولا جو سان فرانسسكو بشهر 8 ؟ :)
الموسيقى التصويريه خارج السياره : أصوات النورس + صوت الموج
مخي يقول : بت يأم السعف والليف ..اكتبي حاجه لاخواتك واخوانك المدونين
الموسيقى التصويريه داخل السياره : موسيقى للموسيقار التركي / عمر فاروق
مخي يقول : ودي بصمونة قص تركي " قص = شاورما " ، وتنختم بكوكتيل باااااارد يسرسح عالجبد
الرائحه : أسوأ ما كان موجود
مخي يقول : بس لو تضبط الريحه
***
وفي هذا الوقت
عقل أم السعف : يفكر في كتابة هذا البوست
عيون أم السعف : تنظر الى النورس والبحر ، والى لون المانيكير الجديد
قلب أم السعف : من يوم ما سافر قلبي أخذه معاه
سؤال اليوم : وين تقترحون علي أماكن حلوه " في الفتره الصباحيه " على هالجو العجييييييب ؟
مازييكا اليوم :)
